Azər Türk Bankdan kiçik və orta biznes sahibləri üçün güzəştli kredit kampaniyası

Dövlət bankı Azər Türk Bank kiçik və orta biznes subyektlərinə biznesin inkişafı, investisiya qoyuluşu və müxtəlif layihələrin maliyyələşdirilməsi üçün əlverişli şərtlərlə kredit təkliflərini davam etdirir.

Belə ki, Bank cari ilin mart ayı ərzində kiçik və orta biznes subyektlərinə verilən kreditlər üzrə sərfəli şərtlərlə yeni kampaniyaya başlayıb.

Kampaniya zamanı 12 aydan 48 ay müddətinə kimi rəsmiləşdirilən kreditlərin illik faiz dərəcəsi 11%-dən başlayır.

Bundan əlavə, müddətindən asılı olmayaraq, götürülən kreditlər üzrə komissiya 0% müəyyənləşdirilmişdir.

Kampaniya 31 mart daxil olmaqla bu tarixədək davam edəcəkdir.

Azər Türk Bankın saytı vasitəsilə krediti online sifariş vermək mümkündür.