Azər Türk Bank dördüncü innovativ filialını açdı

Dövlət bankı Azər Türk Bank xidmət şəbəkəsini genişləndirməkdə davam edir.

Bank “Rəqəmsal 4” filialını müştərilərinin ixtiyarına verdi.

Paytaxtın Səbail rayonu ərazisində, Sahil və Xaqani bağları arasında, Üzeyir Hacıbəyov, 16 ünvanda yerləşən bu filialda xidmət və məhsullar, əməliyyatlar elektron formatda təklif olunur.

Bankın bu ofisində müştərilərə kreditlər və ödəniş kartlarının əldə edilməsi daxil olmaqla müxtəlif bank xidmətləri göstərilir.

Tezliklə Bankın eynilə bu konsepsiya üzərində daha üç filialının istifadəyə veriləcəyi nəzərdə tutulmuşdur.

Azər Türk Bank son dövrdə artıq üç innovativ filialını müştərilərin ixtiyarına verib.