Azər Türk Bank yeni kredit kampaniyasına başlayır

Daim müştərilərinin rifahı və rahatlığını düşünən Dövlət bankı Azər Türk Bank istehlak kreditləri üzrə yeni kampaniyaya start verir.

11 yanvar – 31 mart 2021-ci il tarixləri arası davam edəcək kampaniya müddətində “İstehlak” krediti əldə etmək istəyən şəxslər üçün sərfəli təkliflər olunur. Belə ki, 3 aydan 48 ayadək müddətinə rəsmiləşdirilən bu kreditlərin illik faiz dərəcəsi 16%-dən başlayır.

Qeyd edək ki, 12 ayadək verilən kreditlər üzrə komissiya nəzərdə tutulmamışdır.

Bundan əlavə, Bank göstərilən tarixədək, müştərinin orta aylıq xalis gəlirindən asılı olaraq, kreditin maksimum məbləğini 30 000 manat, təminatsız verilən kreditin məbləğini isə 15 000 manat səviyyəsində müəyyənləşdirmişdir.