Korporativ müştərilər üçün dəstəkləyici tədbirlər davam etdirilir
19.05.2020
Azər Türk Bank koronavirus (COVID-19) pandemiyasından zərər çəkmiş korporativ müştərilərin öhdəlikləri üzrə dəstəkləyici tədbirlərin görülməsini davam etdirir.
Belə ki, “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Azərbaycan Respublikası Nazirlər Kabinetinin 2020-ci il 4 aprel tarixli 135s nömrəli Sərəncamı ilə təsdiq edilmiş Tədbirlər Planına uyğun və Azərbaycan Respublikası Mərkəzi Bankının qəbul etdiyi qərarları və verdiyi tövsiyyələri əsas tutaraq, 1 mart 2020-ci il tarixinə qənaətbəxş təsnifat kateqoriyasında olan və pandemiyadan zərər çəkmiş sahələrdə fəaliyyət göstərən sahibkarlıq subyektlərinin kreditləri aşağıdakı şərtlərə uyğun restrukturizasiya edilir:
- Kreditin növündən, valyutasından və bitmə müddətindən asılı olmayaraq, əsas borcun ödənişinə maksimum 6 (altı) ay müddətinədək möhlət verilir (dövlət fondlarının (SİF, AKİA) vəsaitləri hesabına verilmiş kreditlərin fondların razılığı əsasında)
- Kreditin növündən, valyutasından və bitmə müddətindən asılı olmayaraq, müddətinin bitmə tarixindən 6 (altı) ay müddətinədək kredit uzadılır (dövlət fondlarının (SİF, AKİA) vəsaitləri hesabına verilmiş kreditlərin fondların razılığı əsasında)
Eyni zamanda, sözügedən müştəri kateqoriyasının kreditləri keyfiyyətinin və tarixçəsinin pisləşdirilməməsi məqsədilə, 30.09.2020-ci il tarixinədək:
- Kreditləri üzrə cərimə faizlərinin hesablanması dayandırılmışdır
- Kredit borcunu gecikdirən borcalanlar üzrə neqativ məlumatlar kredit bürosuna xüsusi qeydlə təqdim edilir
